🚨 LAJM I FUNDIT – VDES NJË 58 VJEÇAR NË AKSIDENTIN RAHOVEC–SUHAREK

Policia e Kosovës ka konfirmuar se nga aksidenti i ndodhur në aksin rrugor Rahovec–Suharekë ka humbur jetën një 58-vjeçar, ndërsa bashkëshortja e tij ndodhet në gjendje të rëndë.

E lënduara është dërguar me urgjencë në Spitalin e Prizrenit për trajtim mjekësor.

Nga Policia bëhet e ditur se njësitet përkatëse kanë dalë menjëherë në vendngjarje, kanë siguruar perimetrin dhe po punojnë për të sqaruar shkaqet e aksidentit.

Autoritetet policore u kanë bërë apel të gjithë pjesëmarrësve në trafik që të respektojnë rregullat e komunikacionit, për të shmangur tragjedi të tilla dhe për të ruajtur jetën e qytetarëve.