Rahoveci bujqësor pa inspektor për certifikata fitosanitare – fermerët detyrohen të shkojnë në Prizren!

Rahoveci, kryeqytet i bujqësisë… por pa asnjë inspektor për certifikata fitosanitare!

Rahoveci, i njohur si kryeqyteti i bujqësisë dhe vreshtarisë në Kosovë, fatkeqësisht ende nuk ka asnjë inspektor të Agjencisë së Ushqimit dhe Veterinarisë për të lëshuar Certifikata Fitosanitare.

Eksportuesit e verërave, perimeve dhe produkteve të tjera bujqësore nga Rahoveci janë të detyruar të udhëtojnë drejt Prizrenit për të marrë këtë dokument të domosdoshëm për eksport, duke u përballur me humbje kohe, shpenzime shtesë dhe burokraci të panevojshme.

Kjo situatë po dëmton imazhin e qytetit si qendër e bujqësisë moderne dhe po ngadalëson zhvillimin e sektorit më të rëndësishëm ekonomik të komunës.

Fermerët dhe bizneset bujqësore kërkojnë që Agjencia e Ushqimit dhe Veterinarisë të marrë masa të menjëhershme dhe të caktojë një inspektor në Rahovec, për të ofruar këtë shërbim thelbësor aty ku prodhohet më shumë.