Aksion në Ratkoc: Prokuroria dhe Policia sekuestron arsenal armësh – 3 persona të arrestuar

Prokuroria Themelore në Gjakovë, Departamenti i Përgjithshëm, ka njoftuar opinionin publik se në bashkëpunim me Policinë e Kosovës ka realizuar një aksion të organizuar në fshatin Ratkoc të Komunës së Rahovecit, pas informatave të siguruara paraprakisht.

Gjatë aksionit janë bastisur tri lokacione të ndryshme, ku janë sekuestruar një sasi e konsiderueshme armësh dhe municioni. Të dyshuarit ndaj të cilëve janë ndërmarrë veprimet janë me inicialet P.H., Xh.H. dhe A.M.

Armët e sekuestruara:

1. Tek i dyshuari P.H.:

Një (1) mitraloz

Një (1) pushkë automatike AK-47

Një (1) pushkë automatike (Sharc)

Një (1) pistoletë me gas

608 copë fishekë

2. Tek i dyshuari Xh.H.:

Një (1) pushkë gjahu

Një (1) pushkë automatike M-47

Një (1) pushkë automatike M-48

33 copë municion 12 mm

329 fishekë të llojeve të ndryshme të armëve

3. Tek i dyshuari A.M.:

Dy (2) pistoleta me gas, pa municion

Me urdhër të Prokurorit të Shtetit, tre personat e dyshuar janë ndaluar për 48 orë, ndërsa brenda afateve ligjore do të paraqitet kërkesa për caktimin e masës së paraburgimit.

Ndaj tyre është iniciuar procedurë penale për veprat:

“Mbajtja në pronësi, kontroll ose posedim të paautorizuar të armëve”, dhe

“Shkaktimi i rrezikut të përgjithshëm”.

Prokuroria Themelore në Gjakovë thekson se mbetet e përkushtuar në luftimin e veprave penale dhe në garantimin e sigurisë publike, në bashkëpunim të ngushtë me Policinë e Kosovës dhe institucionet përgjegjëse.