KF Rahoveci fiton në Fushë Kosovë, rrit maksimalisht gjasat për inkuadrim në Ligën e Parë!

KF Rahoveci ka shënuar një fitore të rëndësishme si mysafir në Fushë Kosovë, duke triumfuar me rezultat 3-1, në një ndeshje ku ekipi tregoi vendosmëri dhe formë të lartë sportive.

Golat për skuadrën tonë u shënuan nga Leonard Memaj dhe dy herë nga Erjon Gashi, të cilët ishin protagonistët kryesorë të këtij suksesi të radhës.

Me këtë fitore, KF Rahoveci e rrit maksimalisht moralin dhe gjasat për inkuadrim në Ligën e Parë të Kosovës, duke vazhduar ecurinë pozitive drejt synimit kryesor të sezonit.

Skuadra tregoi disiplinë taktike, luftë në çdo zonë të fushës dhe efektshmëri të lartë në fazën ofensive, duke dëshmuar se është në formën e duhur për sfidat e ardhshme.

Rahoveci tashmë po shihet si një prej pretendentëve më seriozë për ngjitje në kategorinë e lartë, ndërsa fitorja në Fushë Kosovë vjen si konfirmim i qartë i ambicies dhe punës së mirë të ekipit dhe stafit teknik.

Urime djemve për këtë fitore të madhe dhe sukseset e radhës!