KF Rahoveci triumfon ndaj Flamurtarit në Prishtinë, vazhdon seria fituese e skuadrës së Senad Alirifës

Skuadra e Rahovecit ka regjistruar një tjetër fitore të rëndësishme në garat e Ligës së Dytë, duke mposhtur Flamurtarin në Prishtinë me rezultat minimal 1:0.

Nën drejtimin e trajnerit Senad Alirifa, djemtë rahovecas po kalojnë një formë të shkëlqyer, duke vazhduar serinë pozitive të rezultateve dhe duke u futur seriozisht në garë për rikthimin në Ligën e Parë.

Golin e vetëm të ndeshjes e realizoi sulmuesi Erijon Gashi, i cili po vazhdon të jetë një prej pikave më të forta të skuadrës në këtë sezon.

Kryesia e klubit dhe stafi teknik po tregojnë përkushtim maksimal për ta rikthyer Rahovecin aty ku e ka vendin, në majat e futbollit kosovar.